朱輝日誌: 2009

2009年5月4日星期一

MTR 之旅 - 迪士尼綫

欣澳係港鐵站，喺香港新界大嶼山東北嘅陰澳打水灣填海區，2005年 6月1日啟用，早香港迪士尼樂園3個半月。呢個站設有一個島式月台同埋一個側式月台，本站亦係港鐵第一個設有月台閘門嘅車站。

迪士尼站喺香港荃灣區大嶼山東北部嘅竹篙灣，係港鐵迪士尼綫嘅總站，喺2005年8月1號配合迪士尼綫通車而啟用，個站淨係設有1個月台，亦都裝咗月台閘門。
車站用咗維多利亞時代風格，並且係一個開放式車站，設備及裝飾亦都彷照19世紀嘅格局，用嚟配合香港迪士尼樂園度假區嘅設計。

香港站係港鐵機場快綫同埋東涌綫東面嘅總站，喺中環民祥街地底，車站設有3個月台同9個出口，成個車站結構同香港國際金融中心連住，另喺干諾道中近環球大廈地底設有一個南大堂通往德輔道中同埋中環商業中心區一帶。有兩條隧道去中環站。
呢個站喺環球大廈、干諾道中同埋交易廣場地底用行人隧道連接中環站，乘客可以行去中環站轉荃灣綫或者港島綫。另外，呢個站有市區預辦登機服務，亦都有免費穿梭巴士服務去中環同埋灣仔嘅酒店。

九龍站係港鐵東涌綫同機場快綫嘅一個站，位於油尖旺區嘅西九龍填海區雅翔道。
九龍站有機場快綫市區預辦登機嘅服務，趕時間嘅旅客可以喺九龍站搞定登機手續先，之後就坐機場快綫到機場直接上機。
2009年九龍南綫通車之後，九龍站同東面西鐵綫嘅柯士甸站並非正式嘅轉車站，乘客如果喺兩站間轉乘，無論用八達通定係單程車票，都當兩段車程處理，並要畀再入閘收費。乘客要喺南昌站轉車，先會有再入閘收費調減；乘客如果要享用機場快綫免費港鐵接駁服務去柯士甸站（或相反），要喺青衣站轉東涌綫，再喺南昌站轉西鐵綫（或相反）。

奧運站係港鐵喺香港九龍大角嘴西部新填海區邊嘅車站，嗰個位原本係大角嘴碼頭。呢個站淨係得東涌綫埋站，機場快綫列車會喺呢個站中間嘅通道穿過。而西鐵綫嘅延伸，九龍南綫，會喺佢隔籬嘅深旺道地底穿過。

南昌站係港鐵西鐵綫同東涌綫嘅轉車站。個站喺香港西九龍填海區，屬深水埗區；近深旺道、欽州街同東京街西。
個站喺地鐵同九鐵合併前係佢哋唯一夾份用嘅站；由九廣鐵路負責土木工程，地鐵負責機電工程。
南昌站嘅路軌同月台喺地面但唔通出去；大堂就喺地底；有4個側式月台，全部有幕門。色係黃同白。機場快綫就喺中間穿過。

荔景站喺香港新界葵青區荔景山，係港鐵荃灣綫同埋東涌綫嘅轉車站。個站有4個月台，以兩個島式月台排列，全部月台都裝咗月台幕門。
值得留意嘅係，同荔枝角站一樣，由於鐵路最初起嗰時係由日本嘅西松建設起，而且當時香港嘅製版機都用日本嘅字型，所以站入面嘅名用咗日文漢字「茘」（艸部下面3個刀字），而唔係香港常用嘅「荔」字（艸部下面3個力字）。
又有另一種講法係地鐵早年根據康熙字典茘係正體，荔係俗體，所以地鐵系統內所有帶茘字嘅站名同出口指示都用刀而唔用力。

青衣站係香港一個鐵路站，喺青衣島東北面，港鐵東涌綫同埋機場快綫共用呢個站，亦係青衣島唯一嘅鐵路車站，服務島上近20萬居民。

東涌站係港鐵東涌綫嘅總站，喺新界離島區大嶼山東涌市中心，係東涌市中心唯一，更係離島區第一個鐵路車站及唯一一個地底車站，乘客可以利用東涌站直接往返市區、轉巴士往返香港國際機場或者大嶼山南部以及轉吊車往返昂坪。車站設有2個月台喺島式月台，以預留日後可能伸延至東涌西站，所有月台於啟用前都裝咗月台幕門。

2009年4月5日星期日

MTR 之旅 - 西鐵綫

紅磡（Hung Hom或者Hunghom）係香港九龍半島嘅舊區，行政上來睇，大部份嘅地方都喺九龍城區內，但亦都有少部份好似香港理工大學、香港體育館同埋香港海底隧道九龍入口喺油尖旺區。
家下呢區多數係住宅樓，公共屋邨同私人屋苑。不過舊時紅磡有工業如黃埔船塢、商業、但隨着舊區重建，拆咗山谷道邨，以及紅磡灣大規模填海，連紅磡碼頭亦都要搬，呢區差唔多係純住宅區。家下新填地有私人屋苑半島豪庭、紅灣半島、香港理工大學學生宿舍等等。
呢區有條海濱長廊可以由海逸豪園經紅磡碼頭行到尖沙嘴，而車亦可以用紅磡繞道短時間直出尖沙嘴。

尖東站係個港鐵西鐵綫嘅中途站，以前東鐵綫嘅南行總站，響香港九龍油尖旺區尖沙咀中間道兒童遊樂場地底，近住尖沙咀東部。
尖東站係東鐵綫第一個地底車站，有全世界最長嘅月台幕門[未記出處或冇根據]，亦係東鐵綫唯一設有冷氣設備同月台幕門嘅車站。尖東站有行人隧道系統連接周圍同荃灣綫尖沙咀站。
響兩鐵合併前，呢個站由九廣鐵路公司（九鐵公司）管理。但響2007年 12月2日即係兩鐵合併後，尖東站嘅車站結構，由九鐵公司租畀港鐵公司營運用，同埋合併成為一個車站管理。
2009年8月16號，港鐵公司將伸延西鐵綫，由南昌起至紅磡，而尖東站亦會變成西鐵綫其中一個站。因此，東鐵乘客需要喺紅磡站轉西鐵綫至去到尖東站。1號月台會改為去屯門，2號月台就改為去紅磡總站。

柯士甸站喺香港九龍油尖旺區佐敦西部的柯士甸道西及匯民道 [1] 一帶，係九龍南綫一部份（西鐵綫嘅延伸段），喺2008年 4月30日平頂[2]。車站服務西九龍一帶，即係西九龍文娛藝術區附近。車站設有行人天橋駁去佐敦道行人天橋，仲可以去埋港鐵九龍站同埋佢啲上蓋物業，以及佐敦道行人隧道。柯士甸站往返各站嘅票價同九龍站相同。

美孚站係香港一個鐵路車站，港鐵荃灣綫、西鐵綫都經過本站。荃灣綫大堂同月台，喺美孚新邨萬事達廣場地底，而西鐵綫嘅大堂同月台，就響荔枝角公園入面，兩邊大堂有條喺閘內嘅路連埋，方便人轉車。

荃灣西站係港鐵西鐵綫嘅一個車站，佢喺荃灣海旁，係西鐵綫唯一一個地底車站。
雖然荃灣西站唔係接駁港鐵荃灣綫荃灣站嘅車站，但係兩個站之間有專線小巴95K連接（用八達通可以免費由西鐵綫轉車），如果行嘅話就大概要行15到20分鐘。

錦上路站喺香港嘅元朗錦上路西南面，近住八鄉同錦田，係港鐵西鐵綫嘅其中一個車站，呢個站亦係港鐵西鐵綫範圍嘅車廠同總部大樓嘅所在地。呢個站原本叫「錦田站」，當西鐵綫動工嘅時候，錦田同八鄉嘅居民曾經因為車站改名而有所爭拗，最後九廣鐵路公司（以前管理西鐵、東鐵、馬鞍山綫嘅公司）將車站名改做「錦上路站」（錦上路係車站興建嘅時侯最接近呢個站而又分隔錦田同八鄉兩地嘅道路）。
車站全長280米，外牆係磚紅色，好有中國傳統特色，另外喺四週圍嘅空地種滿晒樹，呼應四週圍嘅鄉村環境。

元朗站係香港嘅一個鐵路車站，響港鐵西鐵綫之上。元朗站響香港新界元朗朗日路，係元朗區四站之一。個站同輕鐵元朗總站相鄰，乘客可以喺呢個站轉輕鐵。

朗屏站係香港港鐵西鐵綫嘅其中一個車站，位於新界元朗市北部，屏山以東，朗屏邨嘅東南面。車站屬架空設計，有天橋接駁去朗屏邨。車站嘅底部下原本係幾條明渠嘅交匯點，大部分明渠現時已經被覆蓋，成為車站底部嘅宏達路、媽橫路、朗業街同元朗安樂路。車站南面同北面都有一個公共運輸交匯處，分別係的士/小巴站同巴士站。西南面係元朗邨舊址，而家已經拆咗，將來會招標嚟重建住宅。

天水圍站係香港一個鐵路車站，響港鐵西鐵綫之上，個站隔籬亦係輕鐵天水圍站。站響新界屏山北便，響天水圍市鎮南便，係元朗區西鐵四站之一。

兆康站係香港一個鐵路車站。響港鐵西鐵綫之上，隔籬亦係輕鐵兆康站，可以響度轉車。個站響新界屯門兆康苑東面，響正屯門河上面。兆康站係西鐵屯門區兩站之一。

屯門站係香港港鐵西鐵綫新界總站，響屯門杯渡路同屯門河交界。此站可以接駁輕鐵屯門站同埋河田站。

2009年1月31日星期六

MTR 之旅 - 觀塘綫

油麻地站係港鐵觀塘綫嘅總站，同時亦係荃灣綫其中一個車站，響1979年 12月31號啟用。油麻地站是一個地底車站，位於香港九龍油尖旺區油麻地，是荃灣綫與觀塘綫的車站。車站總共有三層，C層是大堂，UP層是荃灣綫往荃灣方向及和荃灣綫往中環方向。LP層是觀塘綫的總站，兩個月台都是往調景嶺方向。

旺角站係港鐵其中一個主要嘅跨月台轉車站，響香港九龍嘅旺角。個站響1979年12月31號啟用，有四個月台，以島式月台排列，所有月台都有月台幕門。

太子站係港鐵觀塘綫同荃灣綫嘅跨月台轉車站，喺九龍油尖旺區旺角北太子，個名嚟自區內主要道路太子道，喺1982年5月10號啟用，同荃灣綫旺角站同埋東鐵綫旺角東站距離不遠。本站設有四個月台，以島式月台排列，所有月台都裝咗月台幕門。

石硤尾站係港鐵（前香港地鐵）系統裏面最早啟用嘅車站之一，佢隨修正早期系統石硤尾至觀塘段喺1979年 10月1號啟用。車站響大坑西邨民泰樓嘅地底，設有兩個月台，用島式月台嘅方式排列，並設有月台幕門。

九龍塘站係港鐵嘅其中一個響香港新九龍嘅車站，呢個站係響觀塘綫同埋東鐵綫。
九龍塘站服務九龍塘同埋佢嘅設施，包括又一村、又一城、香港城市大學同埋香港浸會大學。
呢個車站係同東鐵綫交匯，兩個站之中嘅其中一個，去新界同埋中國大陸嘅入口。換言之，佢係響呢個系統最為繁忙嘅其中一個車站。原先響尖沙咀／尖東新轉綫站起好之前，係唯一一個嘅轉綫站，新站起好之後就大大減低咗個用量。
響2004年 4月15號，一個響東鐵綫嘅新大堂正式開放，用來增加佢嘅容量。

樂富站係港鐵嘅一個鐵路車站，喺香港黃大仙區橫頭磡邨，係一個地底車站，一共有二層，地面係出口同埋車站大堂，地底係月台。各層都用扶手電梯連接，並設有一部升降機同一條樓梯來往月台同埋大堂之間。呢個站設有一個島式月台，設有月台幕門，而且係原香港地鐵系統內車站大堂最短嘅車站。

黃大仙站係港鐵觀塘綫其中一個車站，響香港九龍黃大仙下邨對出的一段龍翔道地底，喺1979年 10月1日隨住修正早期系統啟用，本站設有月台幕門。

鑽石山站係港鐵觀塘綫嘅鐵路車站，喺香港黃大仙區鑽石山。本站亦都係最近大老山隧道嘅鐵路車站，與鄰近的荷里活廣場相連。全個車站用黑色做主要色調，並用銀色石塊點綴，代表鑽石。

彩虹站係港鐵觀塘綫上嘅一個車站，特色係喺同一層有四個月台。

九龍灣站係港鐵觀塘綫嘅一個架空車站，喺九龍觀塘區九龍灣，響1979年 10月1日啟用。本站用灰黑色做主要色調，未裝月台幕門。
九龍灣站側邊係港鐵九龍灣車廠，亦都係港鐵公司總部大樓嘅所在地，而且發展咗上蓋物業德福花園。

牛頭角站係港鐵觀塘綫嘅一個架空車站，響九龍觀塘區牛頭角，喺1979年 10月1號啟用。本站用淺綠色同埋灰黑色做主要色調。

觀塘站喺香港港鐵觀塘綫上面嘅一個架空車站，1979年10月1號開幕，位於香港觀塘區觀塘市中心。

藍田站係港鐵觀塘綫一個車站，響香港觀塘區藍田。車站響1986年 6月7號開始起，1989年 8月9號同東區海底隧道鐵路部分通車啟用。呢個站有2個月台，以島式月台排列，並有月台幕門。
值得一提，藍田站係屬於架空、地面同埋地底混合模式車站，只係處於密封環境先至令人誤會自己身處地底，不過可以喺鯉魚門道望到車站係起喺山坡上。

油塘站係港鐵觀塘綫同埋將軍澳綫嘅一個跨月台轉車站，喺九龍觀塘區油塘，喺2002年8月4號啟用。本站亦都係最接近東區海底隧道嘅鐵路車站。本站設有四個月台，所有月台都設有月台幕門。本站用鮮黃色做主要色調。
雖然本站屬於地面車站，但係為咗避免對附近居民造成滋擾，成個車站俾混凝土封住，使裏面嘅人以為身處地底。

調景嶺站係港鐵觀塘綫同將軍澳綫嘅一個地底車站，係觀塘綫嘅上行尾站，位於新界西貢區調景嶺，於2002年8月18號啟用。調景嶺站係位於將軍澳站同油塘站之間，經觀塘綫同將軍澳綫延伸。
調景嶺站係座落於建造緊嘅維景灣畔同彩明苑側邊。佢嘅主入口響翠玲路。呢個站出面有個交通交匯處，可以接駁其它公共交通工具到另外一啲地方。

MTR 之旅 - 將軍澳綫

北角站係一個港鐵站，有港島綫同埋將軍澳綫，係將軍澳線嘅西面總站，車站配色係橙。呢個站喺1985年開，起初得港島綫，月台係側式嚟嘅。2001年觀塘綫嘅總站由鰂魚涌站改到嚟呢個站，要擴建，多咗兩個月台，變咗島式。2002年 8月4號，將軍澳綫由北角站去到油塘站一段啟用，8月18號全條綫啟用，呢個站就做咗港島綫同埋將軍澳綫嘅轉綫站。

鰂魚涌站（英文：Quarry Bay Station）是港鐵 [1]港島綫與將軍澳綫的轉車站，位於香港島東區鰂魚涌及寶馬山之間的地底。本站亦是最接近東區海底隧道的鐵路車站。本站設有四個月台，並以兩個島式月台排列，所有月台均裝設月台幕門。

將軍澳站係港鐵將軍澳綫嘅一個地底車站，位於新界西貢區將軍澳市中心一帶，喺2002年 8月18號正式啟用。

坑口站係港鐵將軍澳綫嘅一個地底車站，喺新界西貢區將軍澳蔚藍灣畔地底，喺2002年 8月18號正式啟用。本站用淺藍色做主要色調。月台採用側式月台設計，兩個月台嘅候車位置俾路軌分隔，並設有月台幕門。

寶琳站係港鐵將軍澳綫嘅總站，喺新界西貢區將軍澳寶琳貿業路地面。車站設有一個側式月台，並設有月台幕門。
寶琳站雖然好近寶林邨，但佢嘅「琳」字同「林」字不同，但係根據寶琳路嘅歷史，前地鐵公司因此將車站名稱改返做「寶琳」嘅正寫，而唔用「寶林」嘅官方標準。因此唔少市民誤將「寶琳」同埋

「寶林」混淆，實際上係有分別。

康城站係港鐵將軍澳綫二期嘅終點站，喺政府將軍澳第86規劃區嘅地面。車站服務香港新界西貢區百勝角南部一帶，即係現時嘅港鐵將軍澳車廠附近，喺2009年 7月26號啟用。[1]
雖然康城站係屬於地面車站，但係為避免對日出康城居民造成滋擾，整個車站被混凝土圍封。但係列車入站前會經過一小段露天軌道，明顯本站係喺地面水平，呢段路可從鄰近嘅馬路看見。另外，喺距離地面近啲嘅一段路，港鐵亦用鐵絲網圍起，喺有關路段附近嘅單車徑豎立路牌提醒。
康城站面積達35,000平方米，採用密封式設計，並且用紫色[2]為主要色調，而車站上蓋將會發展港鐵公司有史以來最大嘅上蓋物業發展項目──日出康城 [3]，一個比杏花邨站嘅杏花邨發展項目重要大超過一倍嘅綜合住宅發展項目。

MTR之旅 - 港島綫

上環站係港鐵港島綫目前嘅終點站，響香港島中西區上環德輔道中地底，響1983年3月開始起，1986年5月23號起好。呢個站係地底車站，以淺啡色為主色，有兩個側式月台，全部月台都有月台幕門。

中環站響香港中環遮打道、畢打街及德輔道中，係港鐵站之一，車站有4個月台。
呢個站係荃灣綫香港島嘅總站同港島綫中途站，響環球大廈、干諾道中同交易廣場地底以行人通道同東涌綫同機場快綫嘅香港站相連。呢個站採用磚紅色為主要顏色，而荃灣綫月台就用深咖啡色作為主要顏色。

金鐘站係港鐵嘅其中一個站，喺香港島中環東側所謂金鐘嘅地方。呢個站嘅套色係藍色，有荃灣綫同埋港島綫。
金鐘站嘅英文名 Admiralty 嚟自前駐香港英國皇家海軍總部，但笪地就從來都唔係海軍司令部所在。

灣仔站係一個港鐵站，有港島綫嘅車喺度停，服務灣仔，喺軒尼詩道下面，有五十幾個閘機同埋八個出入口，連住柯布連道條行人天橋，通到去灣仔北。車站配

色係淺綠色。呢個站東行管道出咗站之後曾經裝過動畫廣告。

銅鑼灣站係一個地底車站，喺軒尼詩道同埋記利佐治街地底，設有上下兩個側式月台，都裝有月台幕門，喺1985年 5月31號啟用。
銅鑼灣站車站出入口分佈唔同，車站共有三個唔相連嘅車站大堂─西大堂（位於銅鑼灣廣場一期地底）、東大堂（位於記利佐治街同埋駱克道地底）同埋南大堂（位於時代廣場地底）。呢三個部份並唔互通，所以乘客出閘時都要非常小心，否則就要離開車站、行一大段路到原來正確嘅出口。
另一方面，銅鑼灣站喺設計嗰時中文名係訂為「跑馬地」，後來改以地方名銅鑼灣命名。